Гимназиямыздың жаратылыстану-математика бағыты бойынша олимпиадалар мен байқаулардың жеңімпаздары — Амантай Мәди, Байжанова Асия және Тукен Елнұр — бүгін «Алау» телерадиокомпанияның тікелей эфирінде сұхбат беріп, өз жетістіктері мен болашақтағы жоспарлары туралы әсерлі ойларымен бөлісті!
Бұл оқушылар — білімге құштарлықтың, еңбекқорлық пен табандылықтың жарқын үлгісі!
Осындай жетістікке жету жолында ұстаздарының кәсіби шеберлігі мен ата-аналардың шексіз қолдауы үлкен рөл атқарды.
Жетекшілеріне — шәкірттерін шабыттандырып, бағыт-бағдар беріп жүрген ұстаздарға зор алғыс білдіреміз! Олардың еңбегі – жас дарындардың табысының негізі.
Ал ата-аналарға — сенім мен қолдау көрсетіп, балаларының арманын қанаттандырғаны үшін ерекше алғыс айтамыз!
Гимназиямыздың атын абыроймен танытып жүрген жас таланттарымызға әрі қарай да шығармашылық шабыт пен биік белестер тілейміз!
