Мақтанышымыз – 11-сынып оқушысы Тавылды Айнар!
Білім мен ғылым жолында табанды еңбек етіп жүрген 11-сынып оқушысы Тавылды Айнар республикалық ғылыми жобалар конкурсының қорытынды кезеңінде жоғары нәтиже көрсетіп, ІІ орынға ие болды.
Бұл – үлкен ізденістің, жүйелі дайындықтың және ғылыми ойлау мәдениетінің жемісі. Айнар өз жобасында өзекті тақырыпты терең зерттеп, теория мен практиканы ұштастыра білді. Оның зерттеу жұмысы қазылар алқасының жоғары бағасына ие болды.
Жетістікке жету жолында шәкіртке бағыт-бағдар беріп, ғылыми ізденіс мәдениетін қалыптастырған жетекшісі – Ахметжан Абылай Талғатұлы. Ұстаздың кәсіби шеберлігі, талапшылдығы мен қолдауы – осы жеңістің негізгі тіректерінің бірі.
Республикалық деңгейдегі бұл жетістік – мектеп абыройы ғана емес, болашақ ғалымның алғашқы қадамы деп білеміз.
Тавылды Айнар мен жетекшісі Ахметжан Абылай Талғатұлын шын жүректен құттықтаймыз!
Алдағы уақытта да биік белестерді бағындыра беріңіздер!
